فیس بک کافون ڈیٹا تک رسائی نہ دینے کے ایپل کے فیصلے کی حمایت

سوشل نیٹ ورک آپریٹر فیس بک نے آئی فون بنانے والی کمپنی اپیل کی حمایت کا اعلان کیا ہے۔

غیرملکی خبررساں ادارے کے مطابق فیس بک نے ایپل کی جانب سے اس عدالتی فیصلے کی مخالفت کی حمایت کی ہے جس میں ایپل کو سان برنارڈینو میں ہونے والے حملے میں ملوث رضوان فاروق کے فون کے مواد تک رسائی کے لیے آیف بی آئی کی مدد کرنے کا حکم جاری کیا گیا تھا۔

فیس بک کے ایک اہلکار نے خبررساں ادارے کو بتایا کہ ہم کمپنیوں کے سکیورٹی کے نظام کو کمزور کرنے والے مطالبات کے خلاف بھرپور لڑائی جاری رکھیں گے۔ ایسے مطالبات ڈراؤنی مثال اور کمپنیوں کی اپنی



مصنوعات محفوظ بنانے کی کوششوں کی راہ میں خلل ہیں۔
سان برناڈینوکیس کے ملزم رضوان فاروق سے آئی فون برآمد ہوا تھا اور اس فون میں موجود تحریری اور تصویری مواد تک رسائی کے معاملے پر ٹیک کمپنیوں اور قانون نافذ کرنے والے اداروں میں تنازع سامنے آیا ہے۔ خیال رہے کہ عدالت نے ایپل کو حکم دیا تھا کہ وہ ملزم کے آئی فون میں موجود ڈیٹا تک رسائی کے لیے ایف بی آئی کی مدد کرے۔

تاہم ایپل کے چیف ایگزیکٹیو ٹم کک کا کہنا ہے کہ امریکہ کی حکومت نے ایپل سے ایک بے مثل قدم اٹھانے کا مطالبہ کیا ہے جس سے ہمارے صارفین کی سلامتی کو خطرہ ہے۔ ہم اس حکم کی مخالفت کرتے ہیں۔